“Ёшлар фестивали” доирасида “Соҳа раҳбарлари билан учрашувлар”

Бандлик соҳаси вакиллари ёшлар масалаларини ҳал этишга бел боғлаган.
“Ёшлар фестивали” доирасида “Соҳа раҳбарлари билан учрашувлар” мавзусида Навоий вилоят Бандлик бош бошқармаси бошлиғи Э.Авезов ҳамда ёшлар билан очиқ мулоқот бўлиб ўтди. Унда ҳар бир ёш ўзларининг қизиқтирган саволларини раҳбарга йўллаган ҳолда турли хил жавобларга эга бўлишди.
Хусусан, бандлик соҳасидаги янгиликлар, касб-ҳунарга ўқитиш тизими, субсидия бериш механизмлари, ўзини ўзи банд қилишнинг имкониятлари ҳақида тушунтириб берилди. Берилган саволларга таҳлилий жавоблар натижасида ёшлар учрашув жараёнида бандлик ташкилотларининг амалга ошириши керак бўлган ишларини англаб олишди.